沙田第一城细两房口价都由500尾回返到500头左右

2019-04-21 11:32:27 编辑：来源：

导读近排笔者听得最多慨问题，不外乎：个市系咪跌喇?买唔买得过啊?仲会唔会再跌啊?唔知大家对呢几个问题有咩感觉或者心目中有咩答案呢?首先，笔

近排笔者听得最多慨问题，不外乎：个市系咪跌喇?买唔买得过啊?仲会唔会再跌啊?唔知大家对呢几个问题有咩感觉或者心目中有咩答案呢?

首先，笔者会先讲讲个市系咪跌呢个问题。的而且确，个市真系跌紧，但如果你问得呢个问题，好明显你系有过滤过市场上慨消息同报导。

记得早几个星期笔者都有讲过，坊间好多报导会话，边度边度减咗几多十万啊，但问题就系，本身个业主叫个天价，狮子开完大口后，依家减几十都仲系贵呢，所以睇个价系咪真系平，记紧要用同类型同景观同质素慨成交价去比较，叫价减几多其实意义不太大。

不过又好实在，近排二手楼价真系回咗啲慨，沙田第一城细两房口价都由500尾回返到500头左右啦，但站喺好多人慨角度应该都仲系贵，未称得上抵买啰。

但到底几时先系最抵?呢个问题实在太过深奥喇，就等如股票场上有几多日可以最低位入，最高位沽呢，所以咪要做止赚同止蚀啰，加上依家个楼市，外来因素太多，忽然话加辣减辣又唔定，美国忽然又唔知整啲咩搞你又唔定。

讲咁耐，即系依家买唔买得过先?讲真，笔者咁耐以嚟都无正面咁答过一个人，好老实，影响楼市因素太多，亦都无一个指标话你知点先为之见顶，叫你买完升咗你又唔会多谢我，但买完跌咗你又会怨我，所以通常笔者都只会答，「都抵住慨」或者「谂真啲先」，所以诚哥都只系叫人量力而为。

又咁讲，如果一千几百万买层楼，你只系听某一啲人讲话买就买，唔买就唔买，唔自己思考同分析，咁我就觉得你都系唔好买喇，咁同羊生羊太有乜分别。

标签：沙田第一城细两房

免责声明：本文由用户上传，如有侵权请联系删除！

本站除标明“本站原创”外所有信息均转载自互联网版权归原作者所有。