香港人实在太识得讨价还价作为消费者当然会觉得越平越好

2019-04-21 11:30:31 编辑：来源：

导读香港人实在太识得讨价还价，作为消费者，当然会觉得越平越好，最好免费，但同时就剥削咗另一班人应该有慨嘢，好似依家好多人买楼卖楼都钟意

香港人实在太识得讨价还价，作为消费者，当然会觉得越平越好，最好免费，但同时就剥削咗另一班人应该有慨嘢，好似依家好多人买楼卖楼都钟意叫人减佣或要回佣，搞到班靠佣金维生慨代理鬼杀咁嘈。

其实要求代理减佣，或者买新楼时叫代理回佣，好似变成系一件好合情合理慨事，早排甚至有专家喺网上教人倾回佣，连地监局都出咗一段短片，提及所谓的优惠及回赠，被人话官方教人回佣，两单嘢都搞到班代理群起反抗。

鬼咩，本身班代理底薪低到不得了，就系要靠食佣金先发达，你公然教人回佣即系断人米路，实嘈你啦。

有啲人又真系有啲过份慨，早排同个豪宅经纪倾开，佢话做咗单生意，成亿银，理论上买卖双方各畀1%佣，加埋应该有200万，拆返俾公司后自己大约袋40到50万左右，都算唔错啦，始终成亿银慨买卖，一个豪宅代理一年都未必有一单，平时都系做吓租顶住吓。

不过呢，成亿一单慨成交，好多时班业主同买家都唔会畀足佣，好似上面单刁，买卖双方都只系肯俾0.5%佣，个代理就白白收少一半。咁问渠系咪好惨，佢话，都未算啊，豪宅客肯畀半只算好啦，有啲只系肯俾0.3%;有啲恃住自己货多慨所谓大业主或者炒家，直头唔肯畀佣，觉得我畀生意你做已经系益咗你啦，你收人哋佣就得啦，有时遇着同其他行家合作，又少一半，外区同主区合作又跌啲，跌吓跌吓好似都无乜得剩。

讲到呢度，笔者忽然明白点解自己捞到今时今日都无发达，因为唔够孤寒啰，我成日都觉得人哋帮你做咗嘢就应该畀钱，系天经地义，最多叫人平少少，劈人七成佣或者完全唔畀，我就真系做唔出，人哋都要养家都要食饭，你买得成亿楼身家都绝对唔会少啦，几十万可能饮几支酒都无咗啦，咁点解要搞到人做完嘢得唔到应得慨报酬呢，所以笔者都觉得大家要取得个平衡点。

标签：越平越好